1-6. බ්‍රහ්මා පැවසුවේය: එලෙස පවසා භගවාන් ජනාර්දන නැවතත් මාහට මෙසේ පැවසිය: "පැමිණෙන්න අප එතුමියට නමස්කාර කිරීම උදෙසා එතුමිය සමීපයට යමු. අප නොභියව එතුමියගේ පාද පාමුළ වෙත ගොස් ස්තෝත්‍ර ගායනා කරමු; මහාමායාව අප කෙරෙහි ප්‍රසන්න වී අප හට වරදානයන් ලබා දෙනු ඇත. ද්වාරපාලකයන් විසින් අපව නවත්වනු ලැබුවහොත් අප ද්වාරය පාමුළ සිට ඒකිය මනසකින් යුක්තව දේවිය උදෙසා ස්තෝත්‍ර ගායනා කරමු."
බ්‍රහ්මා පැවසිය: හරි මෙසේ පැවසු කළ අප ප්‍රීතියෙන් මුසපත් වුයෙමු. අපගේ හඬවල් වෙව්ලන්නට වූ අතර හදවත් ප්‍රීතියෙන් ඉපිල ගොස් තිබුණි. ඉක්බිති අප ඕම් කාරය උච්චාරණය කරමින් විමානයෙන් බැස භියජනක හැඟීමෙන් ප්‍රධාන ද්වාරය වෙත ගමන් කළහ. ද්වාරය පාමුළ අප සිටිනු දුටු භගවතී දේවිය, ක්ෂණිකව අප තිදෙනා ස්ත්‍රියන් බවට පරිවර්තනය කළාය.
7-14. අලංකාර ආභරණවලින් සැරසුණු අප පියකරු හා තරුණ ස්ත්‍රීන් සේ දිස් වූයෙමු; මෙසේ අප බොහෝ සෙයින් විස්මයට පත්ව එතුමිය වෙත ගියෙමු. අප ස්ත්‍රී ස්වරූපයෙන් එතුමියගේ පාමුල සිටගෙන සිටින අයුරු දුටු සුරූපී භගවතී දේවිය ආදරයෙන් අප දෙස බලා සිටියාය. ඉක්බිති අප මහා දේවියට හිස නමා ආචාර කොට එකිනෙකා දෙස බලා එම ස්ත්‍රී ස්වරූපයෙන් ඇය ඉදිරිපිට සිටියෙමු. අප තිදෙනා හිරුගේ කෝටියක් දීප්තියෙන් බැබළෙන, නානාකෘත මාණික්‍යන් හා ස්වර්ණාභරණ වලින් සැරසී තිබෙන මහා දේවියගේ පීඨය දැක ගැනීමට පටන් ගත්තෙමු. පැමිණ සිටි දහස් ගණන් දෙනා එතුමිය උදෙසා රැඳී සිටින බව අප ඊළඟට තේරුම් ගත්තෙමු. ඇතැමුන් නීල වර්ණ වස්ත්‍රද, ඇතැමුන් රත් පැහැ වස්ත්‍රයන්ද, ඇතැමුන් පීත වර්ණ වස්ත්‍ර
ද දරා සිටියාය. මෙලෙස නානාවිධ වස්ත්‍රයන්ගෙන් සැරසුණු දේව කන්‍යාවියන් එතුමිය වටා හිඳිමින් සේවය කළාය. ඔවුහු වාද්‍ය භාණ්ඩ සමඟ නර්තනයේ යෙදෙමින්, ගායනය හා වාදනය කරමින්, දේවිය ප්‍රශංසා කරමින් කරමින් සිටියහ. ඕ නාරද ඉක්බිති අප තවත් අපූර්ව යමක් දුටුවෙමු.
15-19. අසන්න! සවන් දෙන්න. දේවියගේ පාද පද්මයන්ගේ නිය තුළ චංචල නිශ්චල සමස්ථ විශ්වයම අප දුටුවෙමු. අප එහිදි මා, විෂ්ණු, රුද්‍ර, වායු, අග්නි, යම, චන්ද්‍ර, සූර්‍ය, වරුණ, ත්වෂ්ත, ඉන්ද්‍ර, කුබෙර ඇතුළු අනෙකුත් දේවතාවුන්, අප්සරාවුන්, ගන්ධර්වයන්, ගංගාවන්, සමුද්‍රයන්, පර්වතයන්, විශ්වාවසුන් (ගන්ධර්ව ගායකයන්), චිත්‍රකෙතු (වසිෂ්ඨගේ එක් පුත්‍රයෙක්, ගරුඪගේ පුත්‍රයා), ශ්වෙත (රුද්‍රයන් පනස් දෙනාගෙන් එක් අයෙක්), චිත්‍රාංගද (ශාන්තනු හා සත්‍යවතීගේ වැඩිමහල් පුත්‍රයා), නාරද, තුම්බුරු (ගන්ධර්වයෙකි. ඔහු ගන්ධර්වයන් අතර සිටි විශිෂ්ටතම සංගීතඥයා ය.), හාහා (ගන්ධර්වයකි, කශ්‍යප සහ ප්‍රධාගේ පුත්‍රයකි), හූහූ (ගන්ධර්වයෙකි, කශ්‍යප සහ ප්‍රධාගේ පුත්‍රයකි) ඇතුළු අනෙකුත් ගන්ධර්වයන්ද, අශ්වින් කුමරුන් දෙදෙනා (සූර්‍ය පුත්‍රයන් වන නසත්‍ය සහ දශ්‍ර නම් දිව්‍ය චිකිත්සක වරුන් දෙදෙනායි.), අෂ්ට වසුන්, සාද්‍යවරු, සිද්ධවරුන්, පිතෘයන් (උප දේවතාවුන් සමූහයකි, සප්ත ඍෂිවරුන් මොවුන් නිර්මාණය කළ බව පැවසේ.), අනන්ත ඇතුළු අනෙකුත් නාගයන්ද, කින්නරයන් (ගන්ධර්වයන් සමඟ සංගීත භාණ්ඩ වාදනය කරන හා ගායනා කරන උප දේවතාවුන් කොට්ඨාසයක්.), උරගයන්, රාක්ෂසයන් (යක්ෂයින් පන්තියක් අරුත් ගන්වන අතර එක්තරා ආකාරයක ශාරීරික ස්වභාවයේ වේදනාවක් නියෝජනය කරයි.), වෛකුන්ඨය, බ්‍රහ්මලෝකය, කෛලාශය, මේරු පර්වතය ආදි සියල්ලම එහි දක්නට ලැබිණි. එම ඇඟිල්ලේ නිය තුළ මහා විශ්වයේ සියලු දෑ පිළිබිඹු විය.
20. මා ජන්මය ලද පද්මයන්, මා මෙන් චතුර් මුඛ බ්‍රහ්මයන්, අනන්තයන් මත නිද්‍රා අවස්ථාවෙන් සිටින ජගන්නාථයන්, මධු - කෛඨභ යන අසුරයන් දුටුවෙමි.
21-25. එතුමියගේ පාද මද්මයේ නිය තුළින් මෙම පුදුමාකාර දෑ දැකීමෙන් විශ්මයට පත් මා මෙසේ සිතුවෙමි: "මේ සියල්ල කුමක්ද?" මගේ සගයන් වූ විෂ්ණු සහ ශංකරද පුදුමයට පත් වූහ. එතුමිය අපගේ විශ්ව මාතාව යන්න අප වටහා ගත්තෙමු. මංගල්‍ය වූ අමෘතය බඳු මණිද්වීපයේ දේවිගේ විවිධ මහිමයන් දැක වසර සියයක් සම්පූර්ණ විය. අප එහි සිටින තාක් දේවියගේ සේවිකාවන් අපව මිතුරියන් සේ සැළකූහ. ඔවුන්ගේ සිත් ඇදගන්නා සුළු ඉරියව් කෙරෙහි අපි ද මහත් සේ වශී වී සිටියෙමු. ඒ හේතුවෙන්, ඔවුන්ගේ සුන්දර චලනයන් අප සැම විටම දුටුවේ ඉතාමත් ප්‍රීතියෙනි.
26- එක් අවස්ථාවක ස්ත්‍රී ස්වරූපයෙන් සිටි භගවාන් විෂ්ණු ශ්‍රී භුවනේෂ්වරී දේවිය ප්‍රශංසා කිරීම උදෙසා ස්තුති ගායනා කළාය.
ශ්‍රී භගවානුවාච
නමෝ දේව්‍යයි ප්‍රකෘත්‌ය‌ෛ ච විධාත්‍රෛ සතතම් නමහ ।
කල්‍යාන්ය‌ෛ කාමදාය‌ෛ ච වෘද්ධිසිද්ධෛ නමෝ නමහ ।।
27. භගවාන් පැවසිය: "නිර්මාතෘවරිය වන ප්‍රකෘති දේවියට මා නමස්කාර කරමි! මා ඔබ වහන්සේට නැවත නැවතත් නමස්කාර කරමි. ඔබ වහන්සේ සැමට සුබදායක වන අතර බැතිමතුන්ගේ ආශාවන් ඉටු කරයි. ඔබ වහන්සේ සාර්ථකත්වය හා වර්ධනයෙහි ස්වභාවයයි. මා ඔබ වහන්සේට නැවතත් නමස්කාර කරමි!"
සච්චිදානන්ද රූපින්ය‌ෛ සංසාරාරණයේ නමහ ।
පංචකෘත්‍යවිධාත්‍රය‌ෛ තේ භුවනේශ්ය‌ෛ නමො නමහ ।।
28. "සත්‍ය, විඥානය සහ සංතුෂ්ටියේ ස්වභාවය වන ලෝක මාතාවට මා නමස්කාර කරමි! ඕ දේවි! ඔබ වහන්සේ මෙම විශ්වය නිර්මාණය, සංරක්ෂණය හා සංහාරය කරයි; ඔබ වහන්සේ මහා විනාශයද සිදු කරන අතර මැවූ ජීවීන්ට අනුග්‍රහය දක්වන්නීය. ඒ අනුව ඉහත පංච ක්‍රියාවන්ගේ කර්තෘ ඔබතුමියයි. ඕ භුවනේශ්වරී මා ඔබ වහන්සේට නමස්කාර කරමි!"
සර්වාධිෂ්ඨානරූපාය‌ෛ කූඨස්තාය‌ෛ නමො නමහ ।
අර්ධමාත්‍රාර්තභෘතාය‌ෛ හෘල්ලේඛාය‌ෛ නමෝ නමහ ।।
29. "ඔබ වහන්සේ කාර්යක්ෂම සේම වෙනස් වන ස්වභාවයේ බෞතික මූලයයි. ඔබ වහන්සේ චිරස්තායි, නිශ්චල විඥානය යි. ඔබතුමිය අර්ධමාත්‍රා සහ හෘල්ලෙඛායි (විශ්වයේ අභ්‍යන්තරව හා බාහිරව ව්‍යාප්තව පවතින විඥානය.); ඔබ තුමිය උත්කෘෂ්ට ආත්මය සේම ස්වාධීන ආත්මයයි. නැවත නැවතත් මාගේ නමස්කාරය වේවා!"
ඥාතම් මයාඛිලමිදම් ත්වයි සන්නිවිෂ්ඨම්
ත්වත්තෝ සම්භවයාවපි මාතරද්‍ය।
ශක්තිශ්ච තේස්‍ය කරනේ විතතප්‍රභාවා
ඥාතාධුනා සකලලෝකමයීති නූනම්।।
30. "ඕ මෑණියනි! සමස්ථ විශ්වයම රඳා පවතින්නේ ඔබ මත බව මාහට දැන් හොඳින් වැටහී ඇත. එය ඔබ වහන්සේගෙන් උත්පත්තිය ලබා ඔබ වහන්සේ තුළ ද්‍රාවණය වන්නේය. විශ්ව නිර්මාණයෙන් ඔබ වහන්සේගේ අසීමිත ශක්තිය විද්‍යාමාන වන්නේය. සත්‍ය වශයෙන්ම සමස්ථ මණ්ඩලයන්ගේ ස්වරූපයෙන් සිටින්නේ ඔබ වහන්සේය."
විස්තාර්‍ය සර්වමඛිලම් සදසද්විකාරම්
සන්දර්ශයස්‍යවිකලම් පුරුෂාය කාලේ ।
තත්ත්වෛශ්ච ෂෝඩශභිරේව ච සප්තභිශ්ච
භාසීන්ද්‍රජාලමිව න කිල රංජනාය ।।
31. "නිර්මාණ සමයේදි ඔබතුමිය නිරාකාර ධාතුන් වන ආකාශ හ වායු ද, සහකාර ධාතුන් ත්‍රිත්වය වන තේජෝ, ආපෝ සහ පඨවි නිර්මාණය කළාය. එම ධාතුන් මගින් විශ්වය නිර්මාණය කොට විඥානයේ ස්වභාවය වන පරම පුරුෂයන්ගේ තෘප්තිය උදෙසා උන්වහන්සේ ඉදිරියේ විද්‍යාමාන කළාය. ඔබ වහන්සේ නැවතත් සාඛ්‍ය දර්ශනයේ දැක්වෙන පිරිදි තෙවිසි තත්වයන්ගේ බෞතික හේතුව බවට පත්ව අප හට මිරිඟුවක් සේ දර්ශනය වේ."
න ත්වාමෘතේ කිමපි වස්තුගතම් විභාති
ව්‍යාපෛව සර්වමඛිලම් ත්වමවස්තිතාසි ।
ශක්තිම් විනා ව්‍යවහෘතෞ පුරුෂෝප්‍යශක්තෝ
බම්භණ්යතේ ජනනි බුද්ධිමතා ජනේන ।।
32. "ඕ මෑණියනි! ඔබතුමිය හැර අන් කිසිවක් නොපෙනේ. ඔබ වහන්සේ සමස්ථ විශ්වය පුරා ව්‍යාප්තව පවති. පරම පුරුෂයන්ට පවා ඔබතුමිය නොමැතිව කිසිවක් කළ නොහැකි බව ඥානවන්තයන් පවසන්නේ මේ හේතුවෙනි."
ප්‍රීනාසී විශ්වමඛීලම අඛණ්ඩ ප්‍රභාව ආහේ
ස්වස්තේජසා චා සකලම ප්‍රකටකාරෝශී ।
අත්ස්යේව දේවී තරසා කිල්ප කල්පකලේ
කෝ වේද දේවී චරිතාම තව වෛ භාවස්‍ය ।।
33. "ඕ දේවී! ඔබතුමියගේ ශක්තියෙන් විශ්වය ප්‍රකට කර තෘප්තිමත් කරයි; ප්‍රලය සමයේදි ඔබතුමිය ස්වකීය ශක්තියෙන් සියල්ල ගිල දමන්නාය. එබැවි, ඕ දේවී ඔබ වහන්සේගේ ශක්තිය වටහාගත හැක්කේ කා හටද!"
ත්‍රාතා වයම් ජනනි තේ මධුකෛඨභාභ්‍යාම්
ලෝකාශ්ච තේ සුවිතතාහ ඛලු දර්ශිතා වෛ ।
නිතා සුඛස්‍ය භවනේ පරමාම් ච කෝටිම්
යද්දර්ශනම් තව භවානි මහාප්‍රභාවම් ।।
34. "ඕ මෑණියනි! ඔබතුමිය අපව මධු සහ කෛඨභ ගේ හස්තයන්ගෙන් මුදවා ගත්තාය. ඉක්බිත ඔබ වහන්සේ අපව මෙම මණිද්වීපයට කැඳවා ගෙනවිත් ඔබ වහන්සේගේ ස්වරූපය, සමස්ථ මණ්ඩලයන් අපරිමිත ශක්තීන් විද්‍යාමාන කොට අපව මහත් ආනන්දයට පත් කළාය. සංතුෂ්ටියේ ඉහළම ස්ථානය මෙයයි."
නාහම් භවෝ න ච විරිංචි විවේද මාතහ
කෝන්යෝ හි වේත්ති චරිතම් තබ දුර්විභාව්‍යම් ।
කානීහ සන්ති භුවනානි මහාප්‍රභාවේ
හ්‍යස්මිංභවානි රචිතේ රචනාකලාපේ ।।
35. "ඕ මැණියනි! මා ශංකර සහ බ්‍රහ්මා හෝ අපගෙන් කිසිවෙකුට හෝ ඔබ වහන්සේගේ මහිමය වටහාගත නොහැකි විට, අන් කවරෙකු නම් එය වටහා ගන්නේද? ඕ භවානී! ඔබ වහන්සේගේ නිය තුළින් අප දුටු මානයන්ට වඩා තව කොපමණ ප්‍රමාණයක් ඔබ වහන්සේගේ නිර්මාණය තුළ පවතීද යන්න අප නොදන්නෙමු."
අස්මාභිරත්‍ර භුවනේ හරිරන්‍ය ඒව
දෘෂ්ටහ ශිවහ කමලජහ ප්‍රථිතප්‍රභාවහ ।
අන්යේෂු දේවි භුවනේෂු සන්ති කිම් තේ
කිම් විද්ම දේවි විතතම් තව සුප්‍රභාවම් ।।
36. "ඕ අසීමිත ශක්තියකින් සමන්විත තැනැත්තියනි! ඕ දේවී! ඔබ වහන්සේ විසින් විද්‍යාමන කෙරූ විශ්වයෙහි අප තවත් ත්‍රීමුතියක් දුටුවෙමු. ඔබ වහන්සේගේ විශ්වයන් තුළ එවැනි බ්‍රහ්මයන් කොපමණ ප්‍රමාණයක් සිටිද යන්න කිසිවෙකු නම් දනීද! ඔබ වහන්සේගේ මහිමය අසීමිතය."
යාචේම්බ තේඝ්‍රිකමලම් ප්‍රනිපත්‍ය කාමම්
චිත්තේ සදා වසතු රූපමිදම් තවෛතත් ।
නාමාපි වක්ත්‍රකුහරේ සතතම් තවෛව
සන්දර්ෂනම් තව පදාම්බුජයෝ සදෛව ।।
37. "ඕ මෑණියනි! මා නැවත නැවතත් ඔබතුමියගේ පාද පද්මයන් වැඳ නමස්කාර කරමි, ඔබ වහන්සේගේ ස්වරූපය සැමවිටම මගේ මනසේ පැවතීම සඳහා ඔබ වහන්සේට යාඥා කරමි. මාගේ මුවෙන් සැමවිටම ඔබේ නාමය උච්චාරණය කරන අතර මාගේ දෙනෙතෙන් නිතරම ඔබ වහන්සේගේ පාද පද්මයන් දකීවා."
භෘත්යෝයනස්ති සතතම් මයි භාවනීයම්
ත්වාම් ස්වාමිනීති මනසා නනු චින්තයාමි ।
ඒෂාවයෝරවිරතා කිලම් දේවි
භූයාව්‍යාප්ති සදෛව ජනනී සුතයෝරිවාර්තේ ।।
38. "ඕ ගෞරවනීය තැනැත්තියනි! මා ඔබතුමිය මාගේ දේවතාවිය ලෙස සිහිපත් කරන අතර ඔබේ නිහතමානී සේවකයා ලෙස ඔබ වහන්සේ නිතරම මා දෙස බලා සිටිමි. ඕ මෑණියනි! මා මීට වඩා කුමක් පවසන්නද: මව සහ පුත්‍රයා වශයෙන් මෙම සම්බන්ධය සැමවිටම ඔබ සහ මා අතර පවතිනු ඇත."
ත්වම් වේත්සි සර්වමඛිලම් භුවනප්‍රපංචම්
සර්වඥතා පරිසමාප්තිනිතාන්ත භූමිහ් ।
කිම් පාමරේණ ජගදම්බා නිවේදනීයම්
යද්යුක්තමාචර භවානි තවේංගිතම් ස්‍යාත් ।।
39. "ඕ ලෝක මාතාවනි! ඔබ වහන්සේ සර්වඥ වන බැවින් සියල්ල දන්නා සේක. එබැවින් ඕ භවානි! මාගේ ආත්මය හැර ඔබ වහන්සේට කුමක් පූජා කරම්ද! ඔබ වහන්සේ රුචි ඔනෑම යමක් සිදුකරන්න."
බ්‍රහ්මා ඍජත්‍යවති විෂ්ණුරුමාපතිශ්ච
සංහාරකාරක ඉයම් තු ජනේ ප්‍රසිද්ධි ।
කිම් සත්‍යමේතදපි දේවි තවේච්චයා වෛ කර්තුම්
ක්ෂමා වයමජේ තව ශක්තියුක්තාහ ।।
40. "ඕ දේවී! නිර්මාතෘ බ්‍රහ්මා ලෙසත්, සංරක්ෂක විෂ්ණු ලෙසත්,මහේශ්වර සංහාර ලෙසත් පවසයි. එය සත්‍යක්ද? ඕ සනාතනි! ඔබ වහන්සේගේ ඉච්ඡාවෙන් සහ ශක්තියෙන් අප නිර්මාණය, සංරක්ෂණය සහ සංහාරය කරන්නෙමු."
ධාත්‍රී ඝරාධරසුතේ න ජගද්විභ්‍රති
ආධාරශක්තිරඛිලම් තව වෛ බිභ්‍රති ।
සූර්යෝපි භාති වරදේ ප්‍රභයා යුතස්තේ
ත්වම් සර්වමේතදඛිලම් විරජා විභාසි ।।
41. "ඕ හිමාල පර්වතයේ දියණියනි! පඨවි ධාතුව මෙම විශ්වයේ අධාරකයයි. ඔබ වහන්සේගේ අනන්ත ශක්තියෙන් පංච භූතයන් දරා සිටි. ඕ වරදේ! සූර්‍යා දීප්තිමත්ව දෘෂ්ටියමාන වන්නේ ඔබ තුමියගේ ශක්තියෙනි. ඔබ වහන්සේ ගුණාංගයන්ගෙන් තොර වූවද, ඔබ වහන්සේගේ මායා ශක්තියෙන් මෙම ප්‍රපංචයන්ගෙන් යුක්ත සංසාරයෙහි ස්වරූපයන් ඔස්සේ විද්‍යාමාන වන්නාය."
බ්‍රහ්මාහමීශ්වරවරහ කිල තේ ප්‍රභාවාත්සර්වේ
වයම් ජනියුතා න යදා තු නිත්‍යාහ ।
කේන්යේ සුරාහ ශතම-ඛප්‍රමුඛාශ්ච නිත්‍යා
නිත්‍යා ත්වමේව ජනනී ප්‍රකෘති පුරාණා ।।
42. "ඔබ වහන්සේගේ ශක්තියෙන් ජන්මය ලද මා, බ්‍රහ්මා සහ විෂ්ණුද සදාකාලික නොවන විට, තාවකාලිකව නිර්මාණය කෙරු ඉන්ද්‍ර ඇතුළු අනෙකුත් දේවතාවුන් පිළිබඳව කවර නම් කතාද! පරම ප්‍රකෘතිය සහ ජනනිය වන ඔබතුමියම පමණක් සදාකාලික වන්නාය."
ත්වම් චේද්භවානි දයසේ පුරුෂම් පුරාණම්
ජානේහමද්‍ය තව සන්නිධිගහ සදෛව ।
නෝචේදහම් විභුරනාදිරනීහ ඊශෝ
විශ්වාත්මධීරිති තමහ ප්‍රකෘති සදෛව ।।
43. "ඕ භවානි! දැන් මා ඔබතුමිය සමඟ රැඳී සිටීමෙන් මට වැටහී ගියේ දයානුකම්පාවෙන් පරම පුරුෂ හට බ්‍රහ්ම විද්‍යාව ප්‍රධානය කරේ ඔබතුමිය බවත් එමගින් උන්වහන්සේට තමන්ගේ සදාකාලි ස්වභාවය අවබෝධය වන බවයි. එසේ නොවුවහොත්, උන්වහන්සේ (පරම ශිව) සැමවිටම තමන් ස්වාමි බවත් මූලයක් රහිත පුරුෂයා බවත් යහපත් හා විශ්ව ආත්මය බවත් යන මුලාවෙහි රැඳී සිටින අතර එමඟින් විවිධ ආකාරයේ මමත්වයන් තුළින් පීඩා විඳි."
විද්‍යා ත්වමේව නනු බුද්ධිමතාම් නරාණාම්
ශක්තිස්ත්වමේව කිල ශක්තිමතාම් සදෛව ।
ත්වම් කීර්ති-කාන්ති-කමලාමල-තුෂ්ඨිරූපා
මුක්තිප්‍රදා විරතිරේව මනුෂ්‍යලෝකේ ।।
44. "ඔබතුමිය බුද්ධි වන්තයන්ගේ විද්‍යාව වන අතර ශක්ති වන්තයන්ගේ ශක්තිය යි, ඔබ වහන්සේ කීර්තිය, කාන්තිය, ශ්‍රියාව සහ නිකැළැල් සංතුෂ්ටිය යි. ඔබ වහන්සේ මනුෂ්‍යන් අතර මුක්තියේ මාර්ගය වන විරාගය යි."
ගායත්ර්‍යසි ප්‍රථමවේදකලා ත්වමේව
ස්වාහා ස්වධා භගවතී සගුණාර්ධමාත්‍රා ।
ආම්නාය ඒව විහිතෝ නිගමෝ භවත්ය‌ෛ
සංජීවනාය සතතම් සුරපූර්වජානාම් ।।
45. "ඔබ වහන්සේ වේදයේ මාතාව වන ගායත්‍රිය යි; ඔබ වහන්සේ ස්වාහා සහ ස්වධා යි; ඔබ වහන්සේ ත්‍රි ගුණයන්ගෙන් සමන්විත භගවතිය යි; ඔබ වහන්සේ අර්ධ මාත්‍රාව යි; ඔබ වහන්සේ ත්‍රීගුණයන් පරයන සිව්වන අවස්ථාව යි."
මෝක්ෂාර්තමේව රචයස්‍යඛිලම් ප්‍රපංචම් තේෂාම්
ගතාහ ඛලු යතෝ නනු ජීවභාවම් ।
අන්ශා අනාදිනිධනස්‍ය කිලානඝස්‍ය
පූර්ණාර්ණවස්‍ය විතතා හි යථා තරංගාහ ।।
46. "දේවතාවන්ගේ හා බ්‍රාහ්මණයන්ගේ ආරක්‍ෂාව සඳහා සැම විටම ශාස්ත්‍රයන් ප්‍රධානය කරන්නේ ඔබතුමියයි. අනන්ත සාගරයේ තරංගයන් නිර්මාණය කරන, අනාදි වූ අනන්ත වූ ශුද්ධ බ්‍රහ්මන්ගේ අංශූන් වන ජීවාත්මයන්ගේ විමුක්තිය සඳහා දෘශ්‍යමාන විශ්වයේ මෙම සමස්ත සංසිද්ධියම පුළුල් කර ප්‍රකාශයට පත් කළේ ඔබතුමියයි."
ජීවෝ යදා තු පරිවේත්ති තවෛව කෘත්‍යම්
ත්වම් සංහරස්‍යඛිලමේතදිති ප්‍රසිද්ධම් ।
නාත්‍යම් නටේන රචිතම් විතථේංතරංගේ
කාර්යේ කෘතේ විරමසේ ප්‍රථිතප්‍රභාවා ।।
47."මේ සියල්ල ඔබ වහන්සේගේ නිර්මාණයක් බවත්, ඔබ වහන්සේ නිරන්තරයෙන් සහ විනාශය සිදු කරන් බවත්, නළුවෙකු රංගනයන් තුළ දරා ගන්නා විවිධ චරිත මෙන් සියල්ලම ඔබ වහන්සේගේ මායාවක් බවත්, ජිවියා අභ්‍යන්තර විඥානය ඔස්සේ වටහා ගත් විට ඔහු සඳහටම රංගනයේ තම භූමිකාවෙන් ඉවත් වේ."
ත්‍රාතා ත්වමේව මම මෝහමයාද්භවාබ්ධේ
ස්ත්වාමම්බිකේ සතතමේමි මහාර්තිදේ ච ।
රාඝාදිභිර්විරචිතේ විතතේ කිලාංතේ
මාමේව පාහි බහුදුඛකරේ ච කාලේ ।।
48. "මුළාවෙන් පිරුණු මේ සංසාර සාගරයෙන් ඔබ මා ගලවා ගන්නහු ය. ප්‍රේමය සහ වෛරය හේතුවෙන් පැන නගින මෙම අසීමිත කරදරකාරී සහ යථාර්ථවාදී නොවන වේදනාවන්ගෙන් මාගේ අවසානය පැමිණෙන විට ඔබ වහන්සේ මාගේ ගැළවුම්කරු වීමට ඉඩ දෙන්න.
නමෝ දේවි මහාවිද්යේ නමාමි චරණෞ තව ।
සදා ඥානප්‍රකාශම් මේ දේහි සර්වාර්තදේ ශිවේ ।।
49. "ඔබ වහන්සේට නමස්කාර වේවා! ඕ දේවී! ඕ මහාවිද්‍යා! මා ඔබතුමියගේ පාමුල වැඳ වැටෙමි. ඕ වරදේ! ඕ සෞභාග්‍යවති! මා හට ආලෝකය වන් ඥානය ලබාදෙනු මැනවි."
වේද ව්‍යාස විසින් රචිත ශ්ලෝක 18,000 කින් සමන්විත ශ්‍රීමද් දේවී භාගවත මහාපුරාණයේ තෙවන සර්ගයේ සිව්වන පරිච්ඡේදය මෙසේ අවසන් වේ.